Pirlo: «Qadam-baqadam o'z oldimizga qo'ygan maqsad sari intilyapmiz»

«Yuventus» bosh murabbiyi Andrea Pirlo A sreiyaning 13-turi doirasida bo'lib o'tgan «Parma»ga qarshi o'yin (4:0) borasida o'z fikrini bildirib o'tdi.

«Atalanta"ga qarshi o'yindagi durangdan qoniqish hosil qilmagandik. Yo'qotilgan ochkolar o'rnini to'ldirishni istagandik. Buni esa a'lo darajada uddaladik. Bugun nafaqat g'alaba qozonishimiz kerak edi, balki hujumchilar gollar urishi ham muhim edi. Ronaldu ham, Morata ham yana gol urishni istashdi.

Ronaldu «Atalanta» darvozasiga penaltidan gol urmagani uchun jahli chiqqan edi. Baxtimizga, mulohaza qilish uchun u bir necha kunga ega bo'ldi.

Qadam-baqadam o'z oldimizga qo'ygan maqsad sari intilyapmiz. Biz A seriya favoriti bo'lishimiz kerak hamda har bir o'yinga bir xil munosabatda bo'lishimiz kerak. Raqib "Barselona" bo'ladimi yoki "Parma"mi, farqi yo'q», — dedi Pirlo.