A seriya. «Yuventus» «Parma»ni tor-mor etdi, Ronaldu dublga erishdi (videosharh)

Italiya chempionatining 13-turi doirasida «Yuventus» o'z uyida «Parma»ni qabul qilib, yirik hisobda g'alaba qozondi.

Bahsning 23-daqiqasida Kulusevski hisobni ochgan bo'lsa, oradan 3 daqiqa o'tib Ronaldu farqni ikkitaga oshirdi.

Ikkinchi taym boshida Krishtianu "dubl"ni rasmiylashtirgan bo'lsa, o'yin tugashiga 5 daqiqa qolganida Morata "Yuve"ning to'rtinchi goliga mualliflik qildi. Alvaro, bundan tashqari, ikkita golga assistentlik qilganini ham ta'kidlash lozim.

"Yuventus" ushbu g'alabadan keyin o'z ochkolarini 27taga etkazib, jadvalda 2-o'ringa ko'tarilib oldi.

Italiya A seriyasi, 13-tur
Parma – Yuventus 0:4 (0:2, 0:2)
Gollar: 0:1 – 23 Kulusevski, 0:2 – 26 Ronaldu, 0:3 – 48 Ronaldu, 0:4 – 85 Morata.
Parma – Sepe, Yakoponi (Byusi, 60), Osorio, Brunu Alvesh, Galolo, Ernani, Zom, Kurtich (Brugman, 85), Kutska (Sipren, 60), Kornelius (Ingleze, 61), Jervino (Karamo, 46).
Yuventus – Buffon, Danilo, Bonuchchi (Kuadrado, 76), de Ligt, Kulusevski, Makkenni (Portanova, 76), Bentankur, Remzi (Bernardeski, 68), Aleks Sandro, Morata, Ronaldu (Keza, 82).
Ogohlantirish: Danilo (40).