Sulsher: «Yigitlar Neymarga qarshi o'ynashni xohlashgandi»

Angliyaning “Manchester Yunayted” klubi bosh murabbiyi Ole-Gunnar Sulsher PSJ hujumchisi Neymar haqidagi fikrlari bilan o'rtoqlashdi.

Xabaringiz bor, braziliyalik futbolchi jarohati tufayli “MYu”ga qarshi EChL doirasidagi o'yinllarni o'tkazib yuboradi.

“U juda-juda yaxshi futbolchi, muxlislarimiz uni ko'rishni istashgandi, futbolchilar esa – unga qarshi o'ynashdi.

Menda bir umrga esda qolgan bir narsa bor – bu jahon futboli yulduzlari Zidan, Ronaldo, Figu va Maldiniga qarshi to'p surganim. Eng yaxshilarga qarshi o'yinda o'zingni sinab ko'rishni intiqlik bilan kutasan.

Ishonchim komil, yigitlar Neymarga qarshi o'ynashni xohlashgandi. Afsuski, bu sodir bo'lmaydi, ammo Mbappe, Di Mariya, Kavani va boshqa futbolchilarni hisobdan chiqarib bo'lmaydi. PSJ – yaxshi jamoa, ularning qo'lidan barcha narsa keladi”, – deydi Sulsher.