Neymar bu yil boshqa maydonga tushmaydi

PSJ hujumchisi Neymar bu yil boshqa maydonga tusha olmaydigan bo'ldi. Bu haqda klub bosh murabbiyi Tomas Tuxel «Lill»ga qarshi o'yin oldidan matbuot anjumanida xabar bergan. 

Parijliklar klubi bosh murabbiyining ma'lum qilishicha, Neymar oyog'ining to'piq qismidan olgan jarohatidan tiklanish uchun qariyb uch hafta vaqt talab etiladi. Bu esa braziliyalik futbolchining yanvar oyining boshida qaytishini bildiradi. 

Eslatib o'tamiz, braziliyalik hujumchi Frantsiya chempionati 14-turi doirasidagi «Lion»ga qarshi uchrashuvda maydonni shifokorlar yordamida tark etgan edi.