"Arsenal" sobiq futbolchisi Artetani tanqid qildi

Frantsiya terma jamoasi va Londonning "Arsenal" sobiq himoyachisi Vilyam Gallas "to'pchilar"ning hozirgi bosh murabbiyi Mikel Artetaning klubga darajasi to'g'ri kelmasligi haqida fikr bildirdi.

"Muammo bosh murabbiyda deb o'ylayman. Arteta "Arsenal"ga kerakli mutaxassis emas. U bunday katta klubni boshqarish uchun kerakli tajribaga ega emas.

Men uning "Manchester Siti"da Pep Gvardiolaga yordamchi etib tayinlanganida hayron bo'lgandim. "Arsenal"da ishlash uchun katta tajriba kerak", - deydi frantsuz.

"Arsenal" 13 turdan so'ng 14 ochko jamg'argan holda jadvalda 15-o'rinda bormoqda.