Mourino: «Flik «Bavariya» bilan 7ta sovrinni qo'lga kiritsa, ehtimol, yilning eng yaxshi murabbiyiga aylansa kerak»

«Tottenxem» bosh murabbiyi Joze Mourinoning fikricha, FIFAning eng yaxshi murabbiyi sovriniga «Bavariya» bosh murabbiyi Xans-Diter Flik munosib edi.

Germaniyalik mutaxassis "The Best" sovrini uchun kurashda qo'shimcha ko'rsatkichlar bo'yicha vatandoshi Yurgen Kloppga yutqazdi. Eslatib o'tamiz, so'rovnomada Flik va Klopp bir xil ochko to'plashdi, murabbiylar va sardorlar "Liverpul" ustoziga ko'proq ovoz bergani uchun Yurgen g'olib deb e'lon qilindi.

«O'ylashimcha, Flik g'alaba qozonish uchun yagona imkoniyat — «Bavariya» yana 2ta yoki 3ta musobaqada g'olib chiqishi kerak edi. Agar Xans-Diter «Bavariya» bilan bir mavsumda 7ta sovrinni qo'lga kiritsa, ehtimol, unga yilning eng yaxshi murabbiyi sovrini berilsa kerak. Bechora Flik «Bavariya» bilan yana 2-3ta sovrinni yutish imkoniyatini qidirishi kerak. O'shanda ko'ramiz, u sovrinni qo'lga kiritarmikan», — dedi Mourino.