O'zbekiston U20 ayollar terma jamoamizning nazorat uchrashuvida VAR tizimidan onlayn rejimda foydalanildi

Osiyo chempionati saralashiga tayyorlanayotgan O'zbekiston U20 ayollar terma jamoasi yil hisobidan so'nggi o'quv-mashg'ulot yig'inini tamomladi.

Yig'in yakunida Rustam Aripov shogirdlari "Bunyodkor" akademiyasi maydonida "Paxtakor-W" a'zolariga qarshi nazorat uchrashuvi o'tkazdi. Keskin kurashlarga boy o'tgan bahs 1-1 hisobida yakuniga etdi.

Ma'lumot o'rnida, mazkur o'yinda uchrashuv hakamlari ilk marotaba VAR (Video Assistant Referee) tizimidan to'laqonli foydalanish imkoniyatiga ega bo'ldilar. FIFA vakillari ushbu hakamlarning qayd etgan natijalarini ijobiy baholadi va mamlakatimizda ushbu tizimni onlayn rejimda qo'llashga ruxsat berdi.

O'zbekiston U20 a.t.j - "Paxtakor-W" - 1:1
Gollar: Albina Boboqulova - Madina Yusupova