Ibrohimovich "Milan" mashg'ulotlariga qaytdi

Italiyaning «Milan» klubi hujumchisi Zlatan Ibragimovich jamoaning juma kuni ertalab o'tkazilgan umumiy mashg'ulotlarida ishtirok etgani haqida CalcioMercato xabar tarqatmoqda.

Shvetsiyalik hujumchi yakshanba kuni A Seriya doirasida «Sassuolo» jamoasiga qarshi bo'lib o'tadigan uchrashuvda maydonga tushish imkoniyatiga ega. Biroq, uning maydonga tushish yoki tushmasligi o'yindan bir kun oldin bosh murabbiy tomonidan qabul qilinadi.

Ibragimovich joriy mavsum "Milan"ning oltita o'yinida maydonga tushdi va o'z hisobiga 9 ta gol yozdirib qo'ydi.

Eslatib o'tamiz, Ibragimovich o'tgan oy «Napoli»ga qarshi uchrashuvda jarohat olgandi.