The Best. Klopp va Flik bir xil ball to'plashdi
/ Kiritdi: BestMaster Ko'rilgan: 203
52
FIFA versiyasiga ko'ra 2020 yilning eng yaxshi murabbiyi sovrini uchun o'tkazilgan so'rovnoma natijalari e'lon qilindi.
"The Best" tanlovida Yurgen Klopp («Liverpul») va Xans-Diter Flik («Bavariya») bir xil ochko to'plashdi — 24tadan. Terma jamoalar bosh murabbiylari ko'proq Kloppga ovoz berishgani uchun g'oliblik unga taqdim etildi.
Qoidaga ko'ra, terma jamoalar bosh murabbiylari, sardorlari, OAV vakillari va muxlislar o'rtasidagi o'tkazilgan so'rovnomada egallagan o'rinlariga qarab dastlabki 3ta o'rinni egallagani uchun mos ravishda 7, 5 yoki 3 ball beriladi.
"Liverpul" ustozi murabbiylar va futbolchilar ovozlari orqali 7 balldan, OAV va muxlislar yordamida 5 balldan to'pladi. Jami — 24 ball.
Flik esa, aksincha, murabbiylar va sardorlardan 5 ball, muxlislar va jurnalistlar yordamida esa 7 balldan olishga muvaffaq bo'ldi. Jami — 24 ball.
«Lids» bosh murabbiyi Marselo Belsa hisobida 11 ochko to'plandi.
Bosh sahifaga
243