Bektemir Meliqo'ziev boks yulduzi, sobiq jahon chempioniga qarshi ringga chiqadi

Professional boksning super o'rta vazn toifasida ringga ko'tarilayotgan Bektemir Meliqo'ziev (6-0, 5 KO) 30 yanvar kuni sobiq jahon chempioni Sergey Kovalyovga (34-4-1, 29 KO) qarshi ringga ko'tariladi. Bu haqda Gosport.uz nashriga bokschiga yaqin manbalar xabar berdi.

Manbalarga ko'ra, jang Rossiya poytaxti Moskva shahrida 70 ming tomoshabinni sig'dira oladigan «Lujniki» futbol stadionida bo'lib o'tadi.

Sergey Kovalyov so'nggi marta 2019 yilda Kanelo Alvaresga qarshi ringga ko'tarilgan va 11 raundda nokautga uchragandi. So'nggi marta u 2019 yilning avgustida jahon chempionlik kamarini himoya qilgan. U yarim og'ir (-79,34 kg) vazn toifasida 13 karra jahon chempioni hisoblanadi. Shularning beshtasida bir yo'la uchta kamar WBA, IBF va WBO chempionlik kamarlarini qo'lga kiritgan.