Pirlo: «Tezroq o'zimizga kelishimiz kerak»

Turinliklar ustozi Andrea Pirlo «Atalanta»ga qarshi o'yindan so'ng o'z fikrlari bilan o'rtoqlashdi.

«Jamoamizga yuqori klassdagi futbolchilar yig'ilgan. Lekin negadir oxirgi o'yinlarda juda sust harakatlarni kuzatyapman. Ayniqsa, kecha Morata va Ronalduning yo'qqa chiqargan qulay vaziyatlarini ochig'i oqlay olmayman. Muhim ikki ochkoni boy berdik. Mavsum davomida juda ko'p durang o'ynab yuboryapmiz. Tezroq o'zimizga kelishimiz kerak. Ortimizdan quvib kelaetgan jamoalar biz bilan hazillashishmayapti», - deydi murabbiy.

Eslatib o'tamiz, «Yuventus» kechagi durangidan so'ng turnir jadvalida 24 ochko jamg'arib, 3-o'rinda bormoqda.