«Milan» A seriya rekordini o'rnatdi

«Milan» Italiya chempionatining 12-turi doirasida bo'lib o'tgan «Jenoa»ga qarshi o'yinda 2:2 hisobidagi durangga imzo chekdi.

«Rossoneri» A seriya bahslarida ketma-ket 14ta uchrashuvdan beri kamida 2tadan gol urib kelmoqda. Milanliklar bundan 72 yil avval o'rnatilgan rekordni yangilashdi. «Torino» 1948 yilda ketma-ket 13ta bahsda ikki yoki undan ortiq gol urgan edi.

«Milan» Italiya chempionatining joriy mavsumida «Inter»ni bir ochko ortda qoldirgan holda peshqadamlik qilmoqda.