Messi «Kamp Nou»dagi 300-g'alabani qo'lga kiritdi

Ispaniya chempionatining 19-turi doirasida bo'lib o'tgan «Barselona» — «Real Sosedad» uchrashuvida kataloniyaliklar 2:1 hisobida g'alaba qozonishdi.

Lionel Messi uchun mazkur g'alaba "ko'k-anorranglilar" safida "Kamp Nou"da qo'lga kiritilgan 300-g'alaba bo'ldi. Argentinalik futbolchi La liga doirasida 211ta, Chempionlar ligasi doirasida 53ta, Ispaniya kubogida 30ta va Ispaniya superkubogi doirasida 6ta o'yinda g'alabaga erishgan.

Messi ushbu natijaga erishish uchun 368ta uy bahslarida maydonga tushishiga to'g'ri kelgan. Bu uchrashuvlarda u 380ta gol urgan va 131ta golga uzatma berdi.