Rasman! «Vest Bromvich»ga bosh murabbiy tayinlandi

Angliyaning «Vest Bromvich» klubi Sem Ellardaysni jamoa bosh murabbiyi etib tayinlanganini rasman e'lon qildi. 66 yoshli muxatassis bilan bir yarim yillik shartnoma imzolandi, deyiladi klub tarqatgan rasmiy xabarda.

Avvalroq, garchi "Manchester Siti" bilan durang qayd etilgan bo'lishiga qaramay, rahbariyati xorvatiyalik Slaven Bilichni egallab turgan lavozimidan ozod qilgandi.

Sem Ellardays Angliyaning ko'plab klublarida ishlagan. Asosan «Everton», «Kristal Pelas», «Vest Xem» va «Sanderlend» jamoalarini boshqargan. Murabbiy sifatida APLda 500dan ortiq o'yinlarni o'tkazgan.