Mourino: "MYu"da menga vaqt kamlik qilgandi"

Londonning «Tottenxem» klubi bosh murabbiyi Joze Mourino «Manchester Yunayted»dagi faoliyatini esga oldi.

«Manchester Yunayted»da menga vaqt etishmagandi. Bu - men jarayonning o'rtasida ketishni xohlagan birinchi klub sanaladi. Biroq, men o'zgalarning qarorlarini hurmat qilaman. Hozir men baxtiyorman, ular ham qoniqishgan. O'zaro munosabatlarimiz a'lo darajada. Klubni tark etayotganimda bu so'zlarni faxr bilan aytganman», - portugaliyalik murabbiyning so'zlaridan iqtibos keltirmoqda Goal portali.

Mourino "mankunianliklar"ni 2016 yildan 2018 yilgacha boshqargan. Uning qo'l ostida "qizil iblislar" Angliya Superkubogini, Liga Kubogini va Evropa Ligasini qo'lga kiritgan.