«Manchester Siti» 608 daqiqada ilk marta gol o'tkazdi

«Manchester Siti» klubi Angliya chempionatining 12-turidan o'rin olgan «Vest Bromvich»ga qarshi o'yinda durang (1:1) qayd etdi. Mehmonlarnin goli "shaharliklar" himoyachisi Ruben Diash hisobiga avtogol sifatida yozildi.

Shu tariqa, «Siti»ning barcha musobaqalar doirasida davom etgan "quruq" seriyasi 608 daqiqada uzilib qoldi.

So'nggi marta Pep Gvardiola jamoasi 21 noyabr kuni APLning 9-turi doirasida bo'lib o'tgan «Tottenxem»ga qarshi o'yinda (0:2) gol o'tkazgan edi. Shundan so'ng "shaharliklar" 6ta o'yinda darvoza daxlsizligini saqlab qolishdi.