«Ufa» rahbari O'runovning yoshi kichraytirilgani haqida: «Oston hali yosh yigit»

«Ufa» direktorlar kengashi raisi Rostislav Murzagulov «SKA-Xabarovsk» klubi bosh murabbiyi Sergey Yuran tomonidan aytilgan Oston O'runovning yoshi kichraytirilgani haqida fikrga o'z munosabatini bildirdi.

«Sergey Nikolaevich – futbol olamidagi obro'li kishi, ammo, o'ylashimcha, gerontologiya (organizmlarning tuzilishi va umrni uzaytirish masalalari bilan shug'ullanuvchi fan — stadion.uz izohi)da kuchliroq mutaxassislar bor. Agar Ostonga tashqaridan qarasangiz, u juda yosh yigit ekanini ko'rasiz. Aynan shu sababga ko'ra u hali buyuk futbolchiga aylanmadi.

O'runov Yuran aytgan yoshga etganida, haqiqatda katta o'yinchiga aylanadi. Sergey Nikolaevichga esa jamoasining o'yinlarida omad tilayman», – dedi Murzagulov.