Neymarga jarohat etkazgan futbolchi: "Undan kechirim so'rayman, uning o'yinlaridan ilhomlanaman"

Frantsiyaning «Lion» klubi yarim himoyachisi Tyago Mendes kutilmaganda jarohat etkazib qo'ygan raqibi - «PSJ» hujumchisi Neymardan kechirim so'radi.

«Neymardan kechirim so'ramoqchiman. Umid qilamanki, unda hammasi joyida. Men unga umuman zarar etkazishni xohlamagandim. Barchamiz Neymarni dunyoning eng yaxshi futbolchilaridan biri ekanligini bilamiz. Barcha braziliyalik kabi, men ham uning o'yinlaridan ilhomlanaman va umid qilamanki, uning jarohati jiddiy emas. Uning tezroq sog'ayishini va muxlislarni xursand qilishini xohlayman. Yana bir bor uzr so'rayman», - dedi Mendes o'zining «Instagram»dagi rasmiy sahifasida.