"Byornli" ustozi: "Arsenal" ustidan qo'lga kiritilgan g'alaba bizga ishonch bag'ishlaydi"

Angliyaning «Byornli» klubi bosh murabbiyi Shon Daych «Arsenal» (1:0) ustidan APL doirasida qo'lga kiritilgan g'alaba haqidagi fikrlarini bildirdi.

«G'alaba qozonish doim yoqimli, butun o'yin davomida jiddiy kurash olib borishimiz va bor kuchimizni sarflashimiz kerak edi. Chetlatishdan so'ng, ular 10-15 daqiqa yaxshi harakat qilishdi, biz sabr qildik va baribir gol kiritdik.

Bunday g'alaba bizga ishonch bag'ishlaydi. O'yindan o'yinga jismoniy holatimiz yaxshilanib bormoqda, lekin unutmaslik kerak, oldimizda turgan o'yinlarda kontsentratsiyani yo'qotmasligimiz kerak.

Biz "Arsenal"ni tarixda umuman mag'lub etmaganimizni odamlar menga o'yindan oldin juda ko'p marta aytishdi, shu sababli, bu yana tarafdan bonus», - dedi Daych BBC bilan suhbatda.