Liga 1. «Lion» Parijda «PSJ»ni mag'lub etdi (videosharh)

Frantsiya chempionatining 14-turi doirasida «PSJ» o'z uyida «Lion»ni qabul qilib, imkoniyatni boy berdi.

Birinchi bo'limning 35-daqiqasida mehmonlar Kimpembening xatosidan so'ng hisobni ochishdi. Gol muallifi — Kadevere. Birinchi bo'lim so'ngida "Lion" posbonining mahorati evaziga to'p darvozadan o'rin olmadi.

Ikkinchi bo'limda esa to'p nazorati "PSJ" tomonida bo'lsa-da, mehmonlar 2ta xavfli vaziyat yaratishdi. Keylor Navas jamoasini ushbu vaziyatlarda goldan qutqardi. Ammo "Pari Sen-Jermen" mag'lubiyatdan qutula olmadi.

"Lion" ushbu g'alaba tufayli o'z ochkolarini 29taga etkazib, "PSJ"ni 3-o'ringa tushirib yubordi. "Lill" hisobida ham 29 ochko mavjud.

Frantsiya chempionati, 14-tur
PSJ – Lion 0:1 (0:1, 0:0)
Gol: 0:1 – 35 Kadevere.
PSJ – Navas, Bakker, Diallo (Kerer, 29), Kimpembe, Florentsi, Danilu Pereyra, Paredes (Errera, 64), Verratti (Guye, 65), Di Mariya (Mbappe, 65), Kin (Rafinya, 73), Neymar.
Lion – Antoni Lopesh, Marselo, Denayer, Dyubua (De Shilo, 65), Lukas Paketa (Kakre, 88), Tiago Mendes, Auar (Bruno Gimaraes, 78), Korne, Kadevere (Diomande, 77), Depay (Dembele, 78), Toko-Ekambi.
Ogohlantirishlar: Dyubua (38), Kerer (46), Paredes (56), Neymar (71), Kimpembe (90).
Chetlatish: Tiago Mendes (90+9).