APL. «Lester» 3-o'ringa ko'tarildi, «Arsenal» esa cho'kishda davom etmoqda

Angliya chempionatining 12-turi doirasida navbatdagi ikkita o'yin yakuniga etdi.

«Lester» o'z maydonida «Brayton»ni qabul qilib, yirik hisobda g'alaba qozondi. Mezbonlar birinchi bo'limning o'zida Meddisonning "dubli" va Vardining bitta goli evaziga raqib darvozasini 3 marta ishg'ol qilishdi. Mazkur gollar "tulkilar"ning g'alabasi uchun etarli bo'ldi. Ushbu g'alabadan so'ng "Lester" o'z ochkolarini 24taga etkazib, 3-pog'onaga ko'tarilib oldi.

"Arsenal" esa APLda ketma-ket beshinchi o'yinda ochko yo'qotmoqda. Jamoa o'z uyida "Byornli"ga imkoniyatni boy berdi. Bahsning 58-daqiqasida Granit Jaka maydondan chetlatildi. 73-daqiqada esa burchakdan etkazilgan uzatmani Obameyang bosh bilan o'z darvozasiga burib yubordi.

"Kanonirlar" qolgan daqiqalarda mag'lubiyatdan qutulib qola olishmadi.

Shu tariqa, "Byornli" o'z ochkolarini 9taga etkazgan bo'lsa, "Arsenal" 13 ochko bilan 15-o'rinlarda yuribdi.

Angliya chempionati, 12-tur
Lester – Brayton 3:0 (3:0, 0:0)
Gollar: 1:0 – 27 Meddison, 2:0 – 41 Vardi, 3:0 – 44 Meddison.
Lester – Shmeyxel, Fuks, Evans, Fofana, Djastin, Olbrayton, Ndidi (Mendi, 80), Meddison (Prat, 75), Tilemans, Peres (Barns, 62), Vardi.
Brayton – Rayan, Uayt, Dank, Bern, Veltman, Gross, Bissuma (Mak Allister, 72), March, Jahonbaxsh (Alsate, 55), Uelbek (Konnolli, 62), Mope.
Ogohlantirishlar: Fuks (22), Bern (72), Evans (78).
 
Arsenal – Byornli 0:1 (0:0, 0:1)
Gol: 0:1 – 73, avtogol Obameyang.
Arsenal – Leno, Belerin (Meytlend-Naylz, 74), Tirni, Xolding, Gabriel, Jaka, Saka, El-Nenni, Villian (Nketia, 82), Obameyang, Lyakazett (Sebalos, 60).
Byornli – Poup, Mi, Louton, Tarkovski, Teylor, Vestvud, Breydi, Braunxill, Maknil, Rodriges (Barns, 59), Vud (Viidra, 70).
Ogohlantirishlar: Breydi (33), Belerin (71), El-Nenni (73).
Chetlatish: Jaka (58).