Karvaxal: "Mana shu ruhda davom ettirishga umid qilamiz"

Madridning "Real" klubi himoyachisi Daniel Karvaxal "Atletiko" (2:0) ustidan qo'lga kiritilgan g'alaba haqidagi fikrlari bilan o'rtoqlashdi.

"Uchta jiddiy uchrashuvda g'alabali seriyani davom ettirganimizdan xursandmiz. Avvaliga "Sevilya" bilan, keyin EChL doirasida "Borussiya" (M) bilan, endi bo'lsa "Atletiko" ustidan muhim o'yinda g'alaba qozondik. Biz uchta o'yinda to'qqiz ochko jamg'ardik, lekin bu etarli emas, biz g'alabali seriyani davom ettirishimiz kerak. Umid qilamizki, shu ruhda davom etamiz va har bir uchrashuvda g'alaba qozonishga harakat qilamiz", - Karvaxalning so'zlaridan iqtibos keltirmoqda "Real" rasmiy sayti.