"Bavariya" ustozi Goretskaning jarohati haqida gapirdi

Myunxenning "Bavariya" klubi bosh murabbiyi Xans Flikning bergan ma'lumotiga ko'ra, jamoa yarim himoyachisi Leon Goretska Bundesliganing 11-tur doirasida "Union" (1:1) klubiga qarshi o'tkazilgan o'yindan jarohat olgan.

— Leon tezlik paytida og'riqni his qilgan. U bilan nima ro'y bergani hozircha noma'lum. Uni tibbiy tekshiruv kutib turibdi, umid qilamanki, Leonning jarohati jiddiy emas, - Flikning so'zlaridan iqtibos keltirmoqda "Bavariya" rasmiy sayti.