Zidan: «Atletiko»ning ko'z ochishiga yo'l qo'ymadik»

«Real» bosh murabbiyi Zayniddin Zidan La liganing 13-turi doirasida bo'lib o'tgan «Atletiko»ga qarshi o'yin (2:0) borasida o'z fikrini bildirib o'tdi.

«Butun uchrashuv davomida ko'rsatgan o'yinimizdan qoniqish hosil qildim. Biz buni ajoyib tarzda uddaladik! «Atletiko» La liga doirasida 26ta o'yindan beri yutqazmayotgan edi.

Biz maydonning har bir qismida raqibga bosim o'tkazdik, «Atletiko»ning ko'zini ochirmadik. O'yinni juda yaxshi nazorat qildik. Raqibda faqat bitta imkoniyat bo'ldi — Saulda.

Kroos va Modrich? Raqib darvozasi tomon yo'l topish uchun ular bizga kerak edi. Tez harakatlanish, diagonal uzatmalar berish orqali «Atletiko» himoyasida bo'sh hududlar topdik. Ularning har ikkisi haddan tashqari yaxshi o'ynashdi. Benzema ham. Vaskes ham fenomenal o'yin ko'rsatdi, Kavraxal, Ramos va Varan ham. Hamma zo'r o'ynadi!

Rotatsiya? Ko'ramiz. Bizda 3ta o'yinni deyarli o'zgarishlarsiz o'tkazdik. Ammo men barchaning xizmatidan foydalanmoqchiman», – dedi Zidan.

Manba: sports.ru