APL. «Chelsi» «Everton»ga yutqazib, 9 ta o'yindan iborat mag'lubiyatsiz seriyasini yakunladi

Angliya Premer Ligasining 12-turida «Chelsi» 12 dekabr, shanba kuni «Everton» maydonida mehmon bo'ldi.

Uchrashuvning 22-daqiqasida Gilfi Sigurdsson penaltini muvaffaqiyatli amalga oshirib, mersisaydliklarni oldinga olib chiqdi. Ushbu gol amalda o'yin taqdirini hal qilib berdi.

Shu tariqa Frenk Lempard shogirdlarining 9 o'yinlik mag'lubiyatsiz seriyasiga barham berildi. Bu «Chelsi» uchun APL joriy mavsumidagi ikkinchi mag'lubiyat bo'ldi, undan avval jamoa sentyabr oyida «Liverpul»ga yutqazgandi.

«Chelsi» 22 ochko bilan 3-o'rinda bormoqda, «Everton» esa ochkolarini 20 taga etkazib, 7-pog'onaga ko'tarildi.

APL, 12-tur
«Everton» — «Chelsi» 1:0
Gol: 1:0 – 22, penalti Sigurdsson.
«Everton»: Pikford, Mina, Kin, Holgeyt, Godfri, Allan, Sigurdsson (Andre Gomesh, 83), Dukure, Ivobi (Devis, 86), Risharlison (Kenni, 90), Kelvert-Lyuin.
«Chelsi»: Mendi, Tiago Silva, Jeyms, Zuma, Chiluell, Kovachich (Gilmor, 82), Maunt, Haverts (Abraham, 68), Kante, Jiru, Verner.
Ogohlantirishlar: Risharlison (24), Kante (45), Jeyms (59), Tiago Silva (65), Dukure (80).