"Real" himoyachi bilan shartnoma imzolashga yaqin turibdi

Madridning «Real» klubi Portugaliyaning «Sporting» himoyachisi Nunu Mendesh bilan shartnoma imzolashga yaqin turibdi. Bu haqda Goal España nashri xabar bermoqda. Futbolchining o'zi ham «qaymoqranglilar» safiga ko'chib o'tishga qarshi emasligini bildirdi.

"Real" rahbariyati Mendeshni Marseloga munosib o'rinbosar sifatida ko'rmoqda. Avvalroq «Sporting» Mendeshni 70 million evro evaziga sotishga tayyor ekanligi haqida xabarlar tarqatilgandi. Transfermarkt portali futbolchining narxini 12 million evro atrofida baholamoqda.

Shuningdek, Mendeshga «Manchester Yunayted» va «Milan» klublari ham nomzod bo'lib turishibdi.