"PSJ" Neymarni qanchaga sotmoqchi ekanligini ma'lum qildi

Frantsiyaning "PSJ" klubi o'z hujumchisi Neymarni 100 million evrodan kam bo'lmagan mablag'ga sotadi, deya xabar bermoqda L`Equipe.

Parijliklar 28 yoshli braziliyalik hujumchi va Kilian Mbappe bilan shartnomani uzaytirishga harakat qilmoqda. "PSJ" xo'jayini Nosir Al-Xelayfi ikki futbolchi ham jamoada qolishiga ishonmoqda.

Neymarning parijliklar bilan amaldagi shartnomasi 2022 yilning yozida yakunlanadi va hujumchi 2021 yilda yangi formatda bo'lib o'tadigan klublar o'rtasidagi Jahon chempionatida "PSJ" tarkibida o'ynash niyatida ekanligini yashirmadi.