The Best. FIFA erkaklar o'rtasidagi nominatsiyalarning yakuniy uchligini e'lon qildi

Xalqaro futbol federatsiyalari assotsiatsiyasi (FIFA) yilning eng yaxshilarini aniqlash maqsadida so'rovnomani o'tkazib bo'ldi. FIFA turli nominatsiyalar bo'yicha yakuniy uchliklarni e'lon qildi.

Yilning eng chiroyli goli (Pushkash sovrini)

Son Xyong Min («Tottenxem»)
Jorjian de Arraskaeta («Flamengo»)
Luis Suares («Barselona»).

Yilning eng yaxshi darvozaboni

Alisson Beker — «Liverpul» bilan Angliya chempionligini qo'lga kiritdi;
Manuel Noyer — «Bavariya» bilan Germaniya chempionati, mamlakat kubogi, Chempionlar ligasi va UEFA superkubogida g'olib chiqdi;
Yan Oblak — «Atletiko» safida La liga doirasida 38ta o'yinda maydonga tushib, 27ta to'p o'tkazdi.

Yilning eng yaxshi murabbiyi

Xans-Diter Flik — «Bavariya» bilan Germaniya chempionati, mamlakat kubogi, Chempionlar ligasi va UEFA superkubogida g'olib chiqdi;
Yurgen Klopp — «Liverpul» bilan Angliya chempionligini qo'lga kiritdi;
Marselo Belsa — «Lids»ni Angliya chempionshipida g'olib chiqib, jamoani APLga olib chiqdi.

Yilning eng yaxshi futbolchisi

Krishtianu Ronaldu («Yuventus»)
Robert Levandovski («Bavariya»)
Lionel Messi («Barselona»)

Sovrinlarni topshirish marosimi 17 dekabr kuni bo'lib o'tadi.

Manba: fifa.com