Mourino APLning noyabr oyidagi eng yaxshi murabbiyi deb topildi va unga o'ziga xos uslubda munosabat bildirdi
/ Kiritdi: BestMaster Ko'rilgan: 581
Angliya premer-ligasi «Tottenxem» bosh murabbiyi Joze Morinoni noyabr oyining eng yaxshi murabbiyi deb topdi.
«Shporlar» o'tgan oyda 4ta o'yinda maydonga tushib, 3ta g'alabaga erishishdi va bitta durang natija qayd etishdi.
Portugaliyalik mutaxassis sovrin bilan birga olingan videorolikni o'zining instagramdagi sahifasiga qo'ydi va unga quyidagicha izoh yozdi:
«Bu erda «oyning eng yaxshi murabbiyi» deb yozilgan, ammo men ushbu sovrinni jamoaga yoki murabbiylar shtabiga berilgan deb hisoblayman. Chunki gap bu erda o'yinchilar va men bilan birga ishlayotganlar — murabbiylar, assistentlar, ilmiy xodimlar, tahlilchilar va boshqa yigitlar haqida ketmoqda.
Sovrin uchun rahmat, ammo bu «oyning eng yaxshi murabbiyi» sovrini emas, balki «oyning eng yaxshi jamoasi» va «oyning eng yaxshi murabbiylar shtabi» uchun atalgan sovrindir".
Eslatib o'tamiz, ushbu sovringa Frenk Lempard («Chelsi»), Ole-Gunnar Sulsher («Manchester Yunayted») va Devid Moyes («Vest Xem») da'vogarlik qilishgan edi.
Bosh sahifaga
212