Kavani: «Napoli»dagi faoliyatim tufayli «Inter» va «Yuventus»dan tushgan takliflarga rad javobini berdim»

"Manchester Yunayted" hujumchisi Edinson Kavani Italiyadagi faoliyatini yodga oldi.

"Men "Napoli"ga faqat minnatdorchilik bildirishim mumkin. Bu jamoadan umrbod minnatdorman. Aynan ushbu klub tufayli men yozda Italiya klublaridan tushgan taklifga rad javobini berdim. "Yuventus" menga ko'p marta aloqaga chiqdi, "Inter" ham.

Neapolliklarga qarshi bunday ish qila olmasdim. Neapol haqida o'ylasam, yuzimga darhol tabassum yuguradi. Bu klub uchun ko'p mehnat qildim, ular esa buning uchun menga ko'p narsa berishda davom etishmoqda", — dedi Kavani "Football Italia" nashriga bergan intervyusida.

Eslatib o'tamiz, urugvaylik futbolchi faoliyati davomida Italiyaning 2 klubi — "Palermo" (2007-2010) va "Napoli" (2010-2013)da o'ynagan.

Manba: football24.ua