Mbappe Messining Chempionlar ligasidagi rekordini yangiladi

Evropa chempionlar ligasi 6-turi doirasida bo'lib o'tgan «PSJ» va «Istanbul» o'rtasidagi o'yinda parijliklar 5:1 hisobida g'alaba qozonishdi. Mezbonlarning 2ta goli Kilian Mbappe hisobiga yozildi.

Frantsiyalik futbolchi musobaqadagi gollari sonini 21taga etkazib oldi. U EChL tarixida 20ta gol urgan eng yosh futbolchiga aylandi. Mbappe 10 kundan keyin 22ga kirishini inobatga olsak, u bugun 21 yoshu 355 kunlik bo'ldi.

Bu borada rekord shu paytga qadar Lionel Messiga tegishli edi — 22 yoshu 266 kun.