Mourino Evropa ligasida g'oliblikka da'vogar klub nomini aytdi

«Tottenxem» bosh murabbiyi Joze Mourino «Manchester Yunayted»ning Chempionlar ligasidan chiqib ketib, Evropa ligasiga o'tganiga o'z munosabatini bildirdi.

«Endi «Manchester Yunayted» Evropa ligasida g'oliblik uchun asosiy da'vogarlardan biriga aylandi. Chempionlar ligasidan chiqqan jamoalar hamisha Evropa ligasida ishtirok etayotgan klublardan kuchli hisoblanadi.

«Manchester Yunayted» — eng kuchli jamoalardan biri. Ular qiyin guruhga tushgan edilar. «PSJ», «Manchester» va «RB Leyptsig» - ulardan hech biriga oson bo'lmasligini va ulardan biri Evropa ligasiga o'tishini bilardik», - dedi Mourino.

Eslatib o'tamiz, Mourino boshqaruvidagi "Tottenxem" Evropa ligasining pley-off bosqichiga chiqishga muvaffaq bo'ldi.