EChL. «Barselona» so'nggi 14 yilda ilk marta guruhda 2-o'rinni egalladi

Evropa chempionlar ligasi guruh bosqichining so'nggi turida "Barselona" o'z uyida "Yuventus"ga 0:3 hisobida yutqazib, o'z guruhida 2-o'rinni egalladi. Har ikki jamoa bir xil 15 ochko jamg'arishdi, o'zaro o'yinda qayd etilgan natijalarga ko'ra turinliklar guruh peshqadamiga aylanishdi.

Shu tariqa, kataloniyaliklar so'nggi 14 yil ichida ilk marta Chempionlar ligasi guruh bosqichini 2-o'rinda yakunlashdi. "Barsa" 2006 yilda guruh bosqichida "Chelsi"dan 2 ochko kam jamg'arishgan edi. Jamoa o'shanda nimchorak finalda "Liverpul"ga imkoniyatni boy bergan edi.