EChL. "Leyptsig" "MYu"ni Evropa Ligasiga ravona qildi

EChLning 6-tur doirasida Germaniyaning "Leyptsig" klubi o'z maydonida Angliyaning "Manchester Yunayted" klubini qabul qildi.

3:0 hisobida oldinda borayotgan maydon egalari biroz xotirjamlikka berilishganidan so'ng, Brunu Fernandesh va Pol Pogbalar bitta gol kiritib, hisobni 3:2 ko'rinishiga olib keldi. Biroq, o'yinning so'nggi daqiqalarida kiritilgan gollar "Qizil iblislar"ni pley-off yo'llanmasini qo'lga kiritishiga kamlik qildi.

"Leyptsig" 12 ochko jamg'arib pley-off yo'llanmasini qo'lga kiritgan bo'lsa, "Manchester Yunayted" 9 ochko bilan guruhda uchinchi o'rinni egalladi va Evropa Ligasiga yo'l oldi.

"Leyptsig" – "Manchester Yunayted" - 3:2

Gollar: Anxelino, 2 - 1:0, Aydara, 13 - 2:0, Klyuyvert, 69 - 3:0, Brunu Fernandesh, 80 (penalti) - 3:1, Pogba, 82 - 3:2

"RB Leyptsig": Gulachi, Anxelino (Xalstenberg, 87), Orban, Mukiele, Konate, Aydara, Kampl (Adams, 75), Olmo (Klyuyvert, 56), Zabittser, Forsberg (Poulsen, 56), Nkunku.

"Manchester Yunayted": De Xea, Lindelef (Tuanzebe, 78), Shou (Uilyams, 61), Maguayr, Telles (van de Bek, 46), Brunu Fernandesh, Maktomini, Matich (Pogba, 61), Uan-Bissaka (Fosu-Mensa, 77), Reshford, Grinvud.