Ro'ziqul Berdiev: «Bugun vodiydan qaytib yana vodiy sari otlanadigan bo'ldik»
/ Kiritdi: BestMaster Ko'rilgan: 458
Bugun O'zbekiston Coca-Cola Kubogi 1/8 final uchrashuvlari o'z nihoyasiga etdi va keyingi bosqichga chiqqan barcha jamoalarning nomlari ham aniq bo'ldi. Barcha uchrashuvlar nihoyasiga etganidan so'ng qur'a tashlandi va uning natijasiga ko'ra "Nasaf" yana bir bor vodiyga safar qiladigan bo'ldi. «Ajdarlar» O'zbekiston Coca-Cola Kubogi 1/4 finalida Namanganning «Navbahor» jamoasi mehmoni bo'ladi. Marosim yakunlaganidan so'ng jamoamiz bosh murabbiyi Ro'ziqul Berdievning qur'a natijalari haqida fikrlari bilan qiziqdik.
“O'zlaring bilasizlar, kecha Andijonda bo'lib o'tgan uchrashuvdan so'ng bugun tushga yaqin Qarshiga etib keldik. Keyingi bosqichda o'z uyimizda, muxlislarimiz qarshisida o'ynaymiz deb umid qilgandim, lekin qur'a shuni ko'rsatdiki, bugun vodiydan qaytgan bo'lsakda yana vodiyga ketadigan bo'ldik.
Barchaga ma'lum, bu yilgi O'zbekiston kubogi finali Namanganda bo'lib o'tadi. Tabiiyki, mezbonlar ham shunga yarasha o'yin ko'rsatadi. Vaholanki «Navbahor» jamoasi o'z uyida yaxshi futbol namoyish etadi. Muxlislar qiziqarli va shiddatli bahsga guvohi bo'lishadi deb o'ylayman", — deydi Ro'ziqul Berdiev.
Eslatib o'tamiz, «Navbahor» — «Nasaf» uchrashuvi 12 dekabr kuni soat 16:00 da Namangandagi «Navbahor» markaziy stadionida bo'lib o'tadi.
Bosh sahifaga
233