Shota Arveladze: «Kubokda hushyorlikni yo'qotmasdan o'ynash lozim»

"Paxtakor" bosh murabbiyi "So'g'diyona" bilan O'zbekiston Kubogidagi bahsdan keyin matbuot anjumanida o'z fikrlarini bildirdi.

"Kuboklar shunday musobaqaki, unda diqqat-e'tiborni umuman yo'qotmasdan o'ynash talab etiladi. Birgina xato qimmatga tushishi mumkin. Yaxshi yoki yomon kun bo'ladi, hammasi ajoyib yoki aksincha ko'rinish oladi. Bu qisqa muddat ichida o'tadigan yangi musobaqa va unda yigitlar boshqacha ishtiyoq bilan o'ynashadi. Bahs haqida ortiqcha gapirib o'tirmayman. Yaxshi o'yindan tashqari bugun barcha harakatlarimiz o'xshadi. "So'g'diyona" bunchalik ko'p gol o'tkazib yuboradigan darajadagi jamoa emas. Raqibimizga kelasi mavsumda omad tilayman.

Bizga kim bilan o'ynashning farqi yo'q. Chunki O'zbekiston Kubogida g'olib chiqishni maqsad qilib qo'yganmiz. Oldimizdagi vazifa navbatdagi uch bellashuvda g'alaba qozonib, yana bir sovrinni qo'lga kiritish. Bu yo'lda mehnat qilishda davom etamiz", — dedi Arveladze.

Manba: pakhtakor.uz