Mirjalol Qosimov: "Qur'ada tushgan raqib kim bo'lishini farqi yo'q"

AGMK bosh murabbiyi Mirjalol Qosimov "Lokomotiv"ga qarshi o'yindan keyingi matbuot anjumanida quyidagi fikrlarni bildirib o'tdi 

«Barchani avvalo Konstituttsiya kunimiz bilan tabriklayman. Kubok o'yini baribir chempionat uchrashuvlaridan ajralib turadi. Bitta o'yin, unda yutqazgan jamoa musobaqani tark etadi. Raqiblar bir-biriga mos edi. Ikkala jamoa ham g'alaba uchun ochiq futbol namoyish qildi. O'yinning tempi ham tezligi ham yuqori bo'ldi. Stadionga o'yinni ko'rgani kelgan muxlislar chiroyli futbol va vaziyatlar ko'pligidan sovub qolmadi deb o'ylayman. Biz o'yinda g'alaba uchun maydonga tushgandik. G'alaba bilan yigitlarni tabriklayman. Ular maydonda bor kuchini va mahoratini ko'rsatdi. Shu fursatdan foydalanib, jamoamiz muxlislarini ham tabriklab qolaman. Olmaliqdan kelib, bizga dalda berib turishibdi. Avvalambor, futbol muxlislar uchun o'ynaladi. Shu sababdan ularga minnatdorlik bildiraman. "Paxtakor"ning o'yinidan keyingi qur'ani kutamiz. Qur'ada tushgan raqib kim bo'lishini farqi yo'q, bergani bilan o'ynayveramiz. Xoh safarda bo'lsin xoh uyda», -dedi murabbiy.