35 yoshdan oshgan futbolchilarda orasida kimlarning transfer narxlari oshdi? (Top 7)

Stadion.uz transfermarket portalini hayron qoldirgan futbolchilar bilan tanishtirib o'tadi. 

Paulo Vinitsius - «ChFR Kluj» (+100 ming evo)

36 yoshli himoyachi 23 yoshida Portugaliyaning 3-ligasidagi klub safiga kelib qo'shilgan edi. Qahramonimiz 10 yil davomida turli jamoalarda to'p surdi va 30 yoshdan o'tgandagina «Braga» bilan shartnoma imzoladi. Klub bilan mamlakat kubogida zafar quchgach, 33 yoshida Kiprning "Apalon« klubi bilan shartnoma imzoladi. Ko'pchilik uning karerasi yakunlandi deb o'ylagan edi, ammo kutilmaganda qahramonimiz Kipr kubogida zafar quchdi. Ikki yildan so'ng, »ChFR Kluj" bilan shartnoma imzoladi. Aynan shu shartnoma uni eng sovrindor futbolchilardan biriga aylantirdi desak, adashmagan bo'lamiz. Ortda qolgan 3 yil davomida u 3 bor chempionlikni nishoblabgina qolmay, 3 bor musobaqaning ramziy jamoasidan o'rin egalladi. Ayni damda u 37 yoshga yaqinlashib qoldi. Faoliyatini esa, yakunlamoqchi emas. Uning o'tgan mavsumdagi transfer qiymati 550 ming evro edi. Omadli mavsum sababli uning summasiga yana 100 ming evro qo'shib qo'yildi.

Xuan Karlos Arke - «Bolivar» (+150 ming evro)

Arke Boliviyadagi eng mashhur futbolchi desak, adashmagan bo'lamiz. U so'nggi 6 ta mavsumda «Bolivar» tarkibida chempionlikni nishonlab keldi. U 2010 yilda o'z omadini sinab ko'rish maqsadida «Terek» bilan shartnoma imzolagan edi. Afsuski, 20 ta o'yinda hech narsa namoyish eta olmadi va yana ortga qaytdi. Ayni damda u 35 yoshda va klubidagi eng muhim figuralardan biri sanaladi.

Qahramonimiz Koreya, Braziliya va Qatar klublarida to'p surgan bo'lsada, unga omad «Bolivar»da keldi. O'tgan mavsumda transfermarket nashri uni 400 ming evroga baholagan edi, endi esa bu summa 600 mingga yaqinlashib qoldi.

Juan Lui Leka - «Lans» (+300 ming evro)

Darvozabonlar uchun 30 yosh qo'rqinchli emas. Buni Leka isbotlab kelmoqda. Qahramonimiz o'zining 35 yoshida ham transfermarket portali e'tiboriga tushdi desak, adashmagan bo'lamiz.

U butun faoliyati davomida Frantsiyada to'p surdi. So'nggi 3 ta mavsumni esa, «Lans» libosida o'tkazdi. O'tgan mavsumda u jamoasini elitaga qaytishini to'liq ta'minlashga muvaffaq bo'ldi. Aynan Lekaning ishonchli o'yinlari sababli «Lans» musobaqa jadvalning yuqori o'rinlarida bormoqda. Uning transfer summasi ham bugungi kunda 1,3 million evroni tashkil etadi.

Diego Souza - «Gremio» (+500 ming evro)

Diegoni klub tanlashda chinakam omadsiz desak, adashmagan bo'lamiz. U avvaliga «Benfika» keyin «Metalist» safida faoliyatini olib bormoqchi bo'ldi. Afsuski, o'xshamadi. Keyin, bor e'tiborini Braziliya klublariga qaratdi. «San Pauolo»dan tortib pastgi liga klublarida ham faoliyat olib bordi.

34 yoshida esa, hujumchi kutilmaganda «Gremio» safida ko'rinish berdi. Ushbu tanlov yakunda o'zini to'liq oqladi. Souza deyarli har bir o'yinda gol yoki assistni amalga oshirishni boshladi. Uning transfer summasi ham yil yakunida 2 million evroga ko'tarildi. 35 yoshli hujumchi uchun bu chinakam natija!

Xose Koka( yoki Sosa) - «Fenerbahche» (+500 ming evro)

2000 yillar boshida argentinalik futbolchi «Bavariya» bilan shartnoma imzoladi va Germaniyaga ko'chib keldi. Afsuski, Evropani uni tezda qabul qilgani yo'q. «Milan» va "Atletiko" singari jamoalarda ham futbolchi o'z o'rnini egallay olmadi. Hatto, Ukrainada ham!

Yoshi 30 dan o'tgach, uning Turkiya super ligasidagi faoliyati boshlandi. E'tiborlisi shundaki, u deyarli barcha mavsumda 40 tadan o'yinda ishtirok etmoqda. Turkiyaning barcha grandlari sharafini himoya qilgan qahramonimiz chempionat va ichki kubokda g'alaba qozonishga muvaffaq bo'ldi.

Ayni damda, 35 yoshli futbolchini qo'lga kiritishni istagan jamoa 2,5 million evro saflashiga to'g'ri keladi.

Antonio Mirante - «Roma» (+700 ming evro)

Mirante Italiyaning autsayder jamoalarida asosiy darvozabon edi. «Roma» uni ikkinchi yoki uchinchi kipper sifatida klubga taklif qilgan edi. Mirante esa, qisqa muddatda yosh va iqtidorli ispaniyali Pau Lopesni surib tashladi va asosiy tarkib futbolchiga aylandi.

Ayni damda, u ortda qolgan chempionat o'yinlarining 10 tasidan 9 tasini asosiy tarkibda boshlagan. Undagi bu o'sish transfermarket portali tomonidan bee'tibor qoldirilmadi. U o'tgan mavsumda 800 ming evroga baholangan bo'lsa, endi bu summa 1,5 million evroni tashkil etmoqda.

Aren Robben - «Groningen» (+1 million evro)

Robben bir yillik tanaffusdan so'ng, yana futbolga qaytishga qaror qildi. Hozircha, u deyarli asosiy tarkibda maydonga tushmayapti. Mavsum boshida olgan jarohati sababli safdan chiqqan edi, endi o'sha jarohatdan so'ng sport formasini tiklash bilan ovora.

Joriy mavsumda vinger atigi 44 daqiqa maydonda harakat qildi, biroq uning transfer summasi 1 million evroga ko'tarildi. 36 yoshli futbolchi uchun shunchaki ajoyib ko'rsatgich.

Manba: stadion.uz