APLda koronavirusning yangi holatlari aniqlandi

So'nggi bir hafta ichida Angliya Premer-ligasida COVID-19 infektsiyasining 14 ta yangi holati qayd etildi. Bu haqda Premer-liga matbuot xizmati xabar bermoqda.

So'nggi etti kun ichida 1483 nafar futbolchi va klub xodimlari sinovdan o'tkazildi. Koronavirus bilan kasallanganlar karantin ostiga olingan.

Yuqtirganlarning ismlari e'lon qilinmadi. Qo'shimcha o'rnida shuni aytish kerakki, avval sinovlar natijasida COVID-19 infektsiyasining 10 ta holati aniqlangandi.