"Barselona"ga qarshi o'yinda "Yuventus" ikkinchi raqamli posbonidan foydalanmoqchi

Italiya matbuotining xabariga ko'ra, "Yuventus" asosiy darvozaboni Voytsex Shensniga "Barselona"ga qarshi o'yinda dam berishi mumkin.

Jamoaning ikkinchi posboni Janluidji Buffon jarohatidan tiklanib, guruh mashg'ulotlariga qaytgan. Ertangi o'yinda "keksa sinoralar" darvozasini Jidji qo'riqlarishi kutilmoqda. 

Shuningdek, "Barsa"ga qarshi o'yinni hujumchi Krishtianu Ronaldu ham asosiy tarkibda boshlaydi. U koronavirusga chalingani uchun ilk bahsni o'tkazib yuborgandi.