Kuman rahbariyatdan ikki nafar futbolchi sotib olishni so'ramoqda

Sport.es portalining tarqatgan ma'lumotiga qaraganda, Kataloniyaning "Barselona" klubi bosh murabbiyi Ronald Kuman qishki transfer bozorida kamida ikki nafar futbolchini o'z safiga qo'shib olishga umid qilmoqda. Nidarlendiyalik mutaxassisning fikricha, bitta markaziy himoyachi va bir nafar hujumchi sotib olish jamoaga foyda olib keladi.

Eslatib o'tamiz, jarohatlar sababli Ronald Kumanning qo'l ostida atigi ikki nafar markaziy himoyachi qolgan. Ularning biri Kleman Langle bo'lsa, ikkinchisi - joriy mavsumda debyut o'yinini o'tkazgan Oskar Minges.