Pioli: «Milan» – haqiqiy jamoa»

Italiyaning «Milan» klubi bosh murabbiyi Stefano Pioli A Seriya doirasida «Sampdoriya» (2:1) klubiga qarshi bo'lib o'tgan uchrashuv haqidagi fikrlari bilan o'rtoqlashdi.

«Men futbolchilarga haqiqiy jamoa ekanligimizni aytdim. Ular istalgan vaziyatdan maksimal darajada foydalanishga harakat qilishmoqda, hattoki eng salbiy narsalardan ham ular nimalarga qodir ekanliklarini isbotlashga harakat qilishmoqda.

Jamoa etakchilari bo'lgan Ibragimovich, Ker va Bennaserlar birinchi marta birgalikda o'ynashmadi, ammo jamoaning boshqa futbolchilari ularning yo'qligidan unumli foydalanib, o'zlarini ko'rsatishga muvaffaq bo'lishdi. Garchi, so'nggi bir yilda bugun maydonga eng yosh tarkib tushgan bo'lsada, ularning etukligiga hayratlanishdan to'xtamayman.

Ishonchim komilki, «Inter», «Yuventus» va «Napoli» klublari haliyam chempionlik uchun kurashni oxirigacha davom ettiradi. Ketma-ket 9 ta chempionlikdan keyin qanday qilib «Yuventus»ni bosh sovrin uchun asosiy favorit sifatida hisoblamaslik kerak? Yoki «Inter»ning kiritayotgan sarmoyasi va «Napoli»ning iqtidori sababli ularni chempionlik poygasidan chiqarish tashlash kerak emas» – dedi Pioli.