APL. «Liverpul» o'z uyida «bo'rilar» darvozasiga javobsiz 4 ta gol urdi (videosharh)

Angliya Premer Ligasining 11-turida «Liverpul» 6 dekabr, yakshanba kuni «Vulverhempton»ni qabul qildi.

Uchrashuvning 24-daqiqasida Muhammad Saloh mersisaydliklarni oldinga olib chiqdi. Birinchi bo'limda boshqa gol bo'lmadi.

Ikkinchi bo'lim debyutida Jorijinyo Veynaldum jamoasining ikkinchi golini urgan bo'lsa, 67-daqiqada Joel Matip hisobni yirik ko'rinishga olib keldi. 78-daqiqadan Sadio Manening bergan zarbasi mehmonlar himoyachisi Nelson Semeduga tegib, darvozadan joy oldi.

Shu tariqa, ochkolarini 24 taga etkazib olgan «Liverpul» peshqadam «Tottenhem»ga tenglashib oldi. «Bo'rilar» (17) esa 10-pog'onada bormoqda.

APL, 11-tur
6 dekabr, yakshanba
«Liverpul» — «Vulverhempton» 4:0
Gollar: 1:0 – 24 Saloh, 2:0 – 58 Veynaldum, 3:0 – 67 Matip, 4:0 – 78, avtogol Semedu.
«Liverpul»: Kelleher, Robertson, Matip, Uilyams (Aleksander-Arnold, 68), Fabino, Jons, Veynaldum, Salax, Henderson (Keyta, 81), Mane, Firmino (Diogu Jota, 73).
«Vulverhempton»: Ruy Patrisiu, Semedu, Marsal, Koudi, Boli, Podense (Ait-Nuri, 71), Dendonker, Netu (Vitinya, 79), Moutinyu, Traore, Ruben Nevesh (Fabiu Silva, 62).
Ogohlantirishlar: Uilyams (3), Moutinyu (89).