Bekhem orzularidan biri nima ekanligini aytdi

Sobiq «PSJ» futbolchisi Devid Bekhem klubning hozirgi paytdagi hujumchisi Kilian Mbappe o'yinlariga yuqori baho bermoqda.

«Men yoshlik davrimga qaytib qolishni xohlayman va u erda albatta, Mbappe bo'lsa. Bu mening ushalmas orzularimdan biri. Kilianda hozir barcha imkoniyatlar mujassam: texnika, pul, oila. U bilan o'ynash istalgan futbolchiga qiyinchilik tug'dirmaydi. To'pni unga oshir, bas, buyog'iga o'zi ketaveradi. Uni kelajakda jamoamga olib kelish niyatim yo'q emas», - deydi Devid.

Eslatib o'tamiz, Bekhem 2013 yilda Parij klubida faoliyat olib borgan va 10 ta uchrashuvda maydonga tushgan.