Usmon Dembele jarohat oldi

«Barselona» hujumchisi Usmon Dembele Ispaniya chempionatining 12-doirasida bo'lib o'tgan «Kadis»ga qarshi o'yinda (1:2) jarohat oldi.

"Ko'k-anorranglilar" tarqatgan xabarga ko'ra, 23 yoshli futbolchining o'ng oyog'ining son qismidagi mushagi jarohatlangan. Uning tiklanishi uchun qancha vaqt ketishi haqida ma'lumot berilmadi.

Dembele joriy mavsumda "Barsa" safida La liga doirasida 8ta o'yinda maydonga tushib, bitta gol urdi.