IFFHS: Yilning eng yaxshi klublar va terma jamoalar bosh murabbiylarini e'lon qilindi

Xalqaro futbol tarixi va statistikasi federatsiyasi (IFFHS) 2020 yil yakunlari bo'yicha eng yaxshi murabbiylar nomini e'lon qildi.

"Bavariya" bosh murabbiyi Xans-Diter Flik joriy yilda klublarni boshqarayotgan murabbiylar o'rtasida eng yaxshisi deb topildi. Germaniyalik mutaxassis o'z klubi bilan Chempionlar ligasi, Bundesliga, Germaniya kubogi va Evropa superkubogini qo'lga kiritdi.

Dide Desham esa terma jamoalarni boshqarayotgan murabbiylar ichida eng yaxshisi deb topildi. U Frantsiya milliy jamoasi bilan UEFA millatlar ligasining final bosqichiga chiqdi. "Uchranglilar" guruh bosqichida musobaqaning amaldagi g'olibi — Portugaliyani ortda qoldirishga muvaffaq bo'lishdi.