"Barselona" 29 yillik antirekordni takrorladi

"Kadis" La Liganing 12-turidan o'rin olgan bahsda "Barselona"ni 2:1 hisobida mag'lub etdi.

Bu andalusiyaliklarning "Barsa" ustidan qozonilgan uchinchi g'alabasidir. So'nggi bor "Kadis" "Barselona"ni 1991 yil may oyida 4:0 hisobida engandi. 

Ma'lumot uchun, "Kadis" o'tgan mavsum Segundani yutib, La Ligaga yo'l olgandi. Jamoa ayni damda turnir jadvalida 5-o'rinda bormoqda.