Mourino Villianni nega "Tottenxem"ga olib kelmaganini tushuntirdi

Londonning «Tottenxem» klubi bosh murabbiyi Joze Mourino nima uchun "Arsenal"ga o'tgan "Chelsi" sobiq futbolchisi Villianni o'z jamoasiga olib kelmaganini tushuntirib o'tdi.

«Oddiy qilib aytadigan bo'lsam, Villian bilan shartnoma imzolaydigan mablag'ga ega emasdik. Biz unga «Arsenal» to'layotgan maoshni bera olmasdik. Shu sababli, manzilsiz bo'lgan muzokaralarga vaqt sarflashni xohlamadim.

Men hozirgacha Villianni APLdagi eng tajribali futbolchilardan biri deb bilaman. Biz u bilan eski do'st bo'lib qolamiz. Biz ba'zida telefon orqali suhbatlashib turamiz. Men unga barcha yaxshiliklarni tilayman, u ajoyib futbolchi sanaladi», — dedi Joze Mourino.