Allegri Ronaldu borasida fikr bildirdi

Turinning «Yuventus» klubi sobiq bosh murabbiyi Massimiliano Allegri Krishtianu Ronaldu haqida fikr bildirdi.

«Qo'l ostimda ko'plab kuchli futbolchilar to'p surgan. Masalan, himoyachilar Kellini va Nesta, yarim himoyachilar Gattuzo va Zeedorf, hujumchilar Ibragimovich hamda Ronaldu.

Ronaldu – mentalitet bo'yicha top-futbolchi. U bu borada boshqa futbolchilardan ajralib turadi. U besh marta «Oltin to'pni» qo'lga kiritdi, besh marotaba EChLda g'olib chiqdi, bir marta esa Portugaliya terma jamoasi bilan Evropa chempioni bo'ldi. Bu qiyin, lekin u jamoaning g'alabasi uchun o'z hissasini qo'shadi. Har yili unda yangi maqsad paydo bo'ladi», – dedi Allegri.