Bundesliganing yangi mavsumi qachon boshlanishi ma'lum

Germaniya futbol ligasi saytining tarqatgan ma'lumotiga qaraganda, Bundesliganing 2021/22 yilgi mavsum taqvimi deyarli tayyor.

Rejaga ko'ra, yangi chempionatning birinchi tur o'yinlari 2021 yilning 13-15 avgust kunlari bo'lib o'tadi. Qishki tanaffus 17-19 dekabr kunlari bo'lib o'tadigan 17-turdan so'ng bo'ladi. Tanaffusdan so'ng, musobaqa 7 yanvardan boshlanadi va chempionatning so'nggi turi 14 may kuni bo'lib o'tishi ko'zda tutilgan.

Germaniya Kubogi o'yinlari 6-9 avgust, yarim finallar esa 19-20 aprel va final bahsi 21 may kuni Berlin shahrida bo'lib o'tadi.